Ar ôl ymateb siomedig i'n harolwg barn (gweler isod), bydd y daith gerdded eleni'n dychwelyd i Bontiscill. Ceir manylion llawn ar y dudalen wybodaeth sy'n cynnwys ffurflen noddi.
Roedden ni'n falch o gael cyhoeddi mai Janice Foxley a Jenny Pickstone yw'r ysgrifennydd a chadeirydd newydd yn sgîl y CCB. Diolch o'r galon i Linda am ei gwaith di-flino fel ysgrifennydd! Mae Voirrey Thorstein yn parhau fel trysorydd.
Eleni bydd ein taith gerdded noddedig flynnyddol yn cymryd lle ar 9fed Medi. Llynedd codon ni dros £1,000.00, ac i ddeni noddwyr unwaith eto, byddwn yn cynnig poteleidiau o win a gwobrau eraill i rai noddwyr ffortunus sy'n cael eu dewis allan o het.
Carem hefyd agor y dewis o daith gerdded i'r aelodau
Opsiwn 1 - Parc Gwledig Cefn Onn
Taith gerdded leol yw'r opsiwn cyntaf, fydd yn dechrau ym Marc Cefn Onn ger y Ddraenen. Bydd y daith 8 milltir yn cymryd i fewn golygfeydd Caerdydd a chefn gwlad amrywiol Comin Caerffili a Rhydri.
Opsiwn 2 - Cronfa Ddŵr Pontiscill
Am y rheini sy'n ffansïo rhywbeth bellach i ffwrdd, bydd y daith 9 milltir hon yn cychwyn wrth Gronfa Ddŵr Pontiscill gyda chefndir trawiadol y Bannau Brycheiniog. 'Does yr un llethr serth o bwys i'w ddringo, ac y mae'r daith yn cynnwys saib am ginio.
Optiwn 3 - Ogwr neu Southerndown
Rydyn ni wedi cerdded y ddau opsiwn cyntaf ill dau, yn ddiweddar, felly rhywbeth newydd yw'r trydydd opsiwn: taith hyd yr arfordir ger traethau godidog Ogwr neu Southerndown.
Pleidleisiwch yn syth!
A wnewch ebostio'ch pleidlais erbyn 30eg Mehifin at:
amnesty.cardiff@btinternet.com
Byddwn yn rhoi gwybod i bawb fis Gorffennaf ble bydd y daith yn cymryd lle, ac edrychwn ymlaen at weld gymaint ohonoch chi ag sy'n bosibl.
Y mae cannoedd os nad miloedd o bobl sydd wedi dod i Gymru i geisio lloches yn cael eu gorfodi i fewn i amddifadedd. Mae Amnest Rhyngwladol ynglŵm wrth yr ymgyrch Yn Ddynol o Hyd ac Yma o Hyd a bydd yn cefnogi Nosweithiau Cysgu Allan ar draws y DU er protestio yn erbyn polisïau'r llywodraeth sy'n wthio pobl i dlodi di-dostur. Bydd cysgu allan Caerdydd ar 6ed Gorffennaf. Ebostiwch wales@amnest.org.uk os hoffech gymryd rhan.
Y mae Amnest Cymru wedi symud i Temple Court,a fu unwaith yn synagog, ar Heol y Cadeirlan. Y maen nhw hefyd ar fin hysbysebu swydd ran amser newydd a swyddi gwirfoddolwyr newydd - a fydd i gyd ar safwe Amnest Cymru. Daliwch i edrych os oes gennych ddiddordeb mewn gweithio neu wirfoddoli dros Amnest Rhyngwladol.
Gwnewch yn siwr eich bod chi'n arwyddo ar gyfer e-zine (e-grawn?) aelodau Cymru. Ebostiwch sct@amnesty.org.uk i sicrhau eich bod chi'n derbyn y diweddariad misol ar gyfer aelodau Cymru'n arbennig.
Y mae Amnest Cymru wedi bod yn gweithio ar adroddiad ar fasnachu mewn pobl ar gyfer y farchnad ryw yng Nghymru, sy'n rhoi cip brawychus i mewn i ddiwydiant eithaf cyffredin. Maen nhw'n gobeithio cyhoeddi'r adroddiad fis Mai, ac mi fyddan nhw wedyn yn datblygu ymgyrch er sicrhau bod y sawl sy wedi dioddef yn derbyn gwell cefnogaeth.
O bosib bydd rhai ohonoch wedi darllen am y Brydain Gaeth, arddangosfa ffotograffiau sydd ar hyn o bryd i'w weld yn Eglwys Gadeiriol San Paul. Gobeithiwn ni ddod â'r arddangosfa i Gaerdydd fis Mai, mewn cyd-weithrediad â'r Eglwys yng Nghymru. Bydd rhagor o fanylion yn dilyn.
Y mae'r ffocws wrth agoshau at yr etholiadau wedi bod ar gael rhywbeth ymarferol wedi'i gytuno gan y pleidiau er hwyluso mynediad at wasanaethau ar gyfer ffoaduriaid a cheiswyr lloches; a chewch weld yr hyn sydd wedi'i gyflawni ar safwe Cadwn Groeso.
Y mae Cathy a'i thîm wedi cyhoeddi'n ddiweddar fersiwn cyntaf Cymru'r e-zine i aelodau. Fersiwn wedi'i olygu o'r un sy'n mynd at bob aelod ydio, gyda diweddariadau ar ddigwyddiadau wedi'u lleoli yng Nghymru.
I danysgrifio, ymunwch â My Amnesty ar safwe ARhDU, a gofyn cael derbyn yr e-zine Cymreig. Mwyaf yn y byd o aelodau sydd wedi'u cofrestru gyda chyfeiriadau ebost, hawsaf yn y byd bydd hi i gysylltu â phobl yng Nghymru i gefnogi ymgyrchoedd a digwyddiadau wedi'u lleoli yng Nghymru.
Rydyn ni'n hapus iawn i gael adrodd i Amnest gael eu gwahodd i gasglu arian mewn cyngerdd gan Joan Baez, a chodwyd y swm anhygoel o £669.00 dim ond trwy ysgwyd ychydig o fwcedi!
Diolch i bawb a cynorthwyodd.
Cyfieithiad ac addasiad o safwe Amnest Caerdydd gan Peter Bradley (h) 2007 Peter Bradley GPL v3 Cyhyrchwyd ar Bluefish 1.0.2 ar SUSE Linux 10.0